主页 > S生活墙 >【有肋有唔肋】云林米线大比拼 >

【有肋有唔肋】云林米线大比拼

【有肋有唔肋】云林米线大比拼

近几年,云南米线店喺香港开到一地都係,梗有一间喺左近。既然米线高手云集香江,不如搞返个云林米线大比拼,睇吓边间至耍家!四间「老是常出现」 嘅米线舖包括米线阵、谭仔云南米线、谭仔三哥云南米线及麻酸乐,究竟边间汤底做得好?边间小食有料到?睇落去你就知!

【有肋有唔肋】云林米线大比拼

小食更好 麻酸乐
汤底认真麻麻。米线一上檯,笔者已经闻到阵奇怪味道,呢种味并唔係来自食物本身,就好似喷咗啲化学药水,令人唔太开胃。之但係做得勇者,即使佢伏味浓都顶硬上。一试,鸡汤鸡到冇朋友,完全冇味,淡过腐皮;辣汤根本喺鸡汤上面放一羹辣油了事,拎出嚟嗰阵仲有70%地区未染红,捞匀咗比尽只係小辣,小辣得嚟又唔香,点都要扣分。

以拣嘅配料睇落比另外几间多,佢有得加12蚊拣盐酥鸡同炸猪扒呢类几有份量嘅配料。份量嚟计呢间算不过不失,鲜牛肉4至5块,唔会用纳米技术切割,食落亦觉嫩滑;墨丸4粒,细过谭仔少少,冇咁弹牙,唔叫难食,只係一拼之下难免失色。

龙岗鸡就比米线好得多。今匀确实鸡有鸡味,皮滑肉嫩,重点係配汁同姜蓉,同鲜味十足嘅鸡件好夹,一碟几嚿鸡加碟汁,绝对送到成碗饭。值得一提嘅仲有嘢饮:同其他米线店比,呢间花款较多,笔者叫咗杯样子最伏嘅菊花杞子蜜。佢拎过嚟嗰阵用茶包装住菊花同杞子•饮落几滋润,小甜唔腻,菊花同杞子唔会抢咗蜜糖味,有惊喜。

「少年你太年轻了」係麻酸乐畀笔者嘅第一印象。身为一间云南米线店,请返嚟嘅伙计居然係讲纯正广东话嘅MK仔[sosad],实在少咗一阵地道风味。一句讲晒米线一定冇下次,至于会唔会为咗杯菊花杞子蜜再嚟就睇心情。其他肉燥饭鸡扒饭之类,menu张相影得唔差嘅,是咪伏就留畀大家去试喇。

【有肋有唔肋】云林米线大比拼
◆ 麻辣鲜牛墨丸米线$37【有肋有唔肋】云林米线大比拼
◆ 菊花杞子蜜$12 ,鹹柠七$12【有肋有唔肋】云林米线大比拼
◆ 龙岗鸡$36【有肋有唔肋】云林米线大比拼
◆ 餐牌上选择甚多

【有肋有唔肋】云林米线大比拼

汤浓料足 谭仔云南米线
谭仔汤头有两大特点,其一係好浓味,调味重手,碗清汤白过牛奶,化咗妆咁款,啱晒重口味嘅香港人;其二係辣嘅分级比其他店更仔细 一笔者食开中辣,叫有啲辣又唔会辣到第二日菊花痛。不过,你唔好睇碗汤红晒,就以为真係好辣,笔者觉得谭仔大辣同小辣之别只係辣粉落多落少,而实情辣粉落太多并唔代表好食,就好似盐太多搞到啖汤嘅平衡错晒。

「勿演懒肉中喇」、「勿演淆肉炸中千摊」两碗料多到唔讲得笑,腐皮芽菜唔驶讲,剩计腩肉已经有9块,不过量多只係其中一项指标啫。谭仔嘅腩肉比其他店硬身,食落冇咩腩肉味;反而墨丸高质得多,四粒墨丸唔算细,弹过乒乓球,仲食到有墨鱼肉碎,绝对唔会有劣质墨丸阵雪味,唔怪得个个嚟谭仔都要叫「勿演」。

土匪鸡翼为谭仔招牌菜,因为用咗孜然粉,所以老远闻到香味。只只鸡翼都有两只手指粗,大大只胀卜卜令人觉得佢新鲜出炉。咬落去皮脆肉嫩,肉汁「咇」晒出水嚟,出紧少少烟,又唔太热,成件事啱啱好。怪不得谭仔鸡翼一直喺平民美食界称霸。不过皮蛋要扣分,皮蛋本身不过不失,奈何蛋黄熟晒,上面一撮莞茜亦只係装饰,做唔到味道上嘅化学效应,可惜可惜。

【有肋有唔肋】云林米线大比拼
◆ 两碗米线啲料多到满泻!【有肋有唔肋】云林米线大比拼
◆ 皮蛋$19【有肋有唔肋】云林米线大比拼
◆ 土匪鸡翼$28

【有肋有唔肋】云林米线大比拼

平民米芝莲 谭仔三哥云南米线
好多人话三哥正宗啲,计我话拎过米芝莲威水啲。笔者以前一直觉得三哥汤底猪骨味比较浓,麻辣会比较辣。其实试多几间先发现,原来间间谭仔同三哥嘅水準都有出入•以观塘嚟计,开张冇耐嘅三哥x忌廉哥主题餐厅个汤比较浓,但辣又及唔上九龙湾得宝间三哥。

论配料,其实笔者真心唔觉三哥同谭仔有分别,完全係博士级别嘅找不同游戏。如果唔係特登睇返啲相嚟看图讲故事,笔者可能下世都唔会发现,三哥嘅腩肉少一块,墨丸细粒啲,芽菜同韭菜都少过谭仔。不过同行嘅朋友就话「腐皮有少少馊味,闻落似行过街市猪肉档只味咁。有啲木香,但又带点腥臭」,我听完心谂「食米线啫,而家叫你品红酒咩…」计份量三哥输谭仔个马鼻,不过叫两餸平两蚊,当打和啦。

三哥自从分家后,佢又加咗几款新menu,皮蛋款式一开三,有原味、 口水味同麻辣味。原味皮蛋整得唔错,就算唔食得辣嘅朋友试过都讚好。皮蛋上面有一撮川椒,酸甜得宜又脆口 ,同皮蛋十分合拍。当笔者夹起其中一块,发觉蛋黄心摇摇欲滴,令人联想到黑色蛋黄哥。土匪鸡翼同谭仔不相伯仲。

三哥自分家后加入唔少新元素,不断开发新菜式,新menu出世后又唔会话一个月后收返,并非为製造话题而创作。而且连17蚊碟小菜都落足心机整,feel到佢几有 热诚。最近三哥亦多咗同其他品牌合作,例如观塘开咗间三哥x忌廉哥主题店,係少数称得上有装修嘅店。姑勿论成效如何,佢不断畀惊喜食客呢份热血,已经跑臝好多米线店。

【有肋有唔肋】云林米线大比拼
◆ 皮蛋$17【有肋有唔肋】云林米线大比拼
◆ 大土匪鸡翼$28【有肋有唔肋】云林米线大比拼
◆ 口水鸡翼$23【有肋有唔肋】云林米线大比拼
◆ 墨丸腩肉中辣$34

【有肋有唔肋】云林米线大比拼

髙档路线 米线阵
第一次入米线阵,仲以为入去锯扒。我哋试咗蕃茄汤底同埋麻辣中辣汤 — 蕃茄汤底同其他店唔同,清甜之余又够鲜,啲蕃茄唔会溶晒喺汤度,搞到「杰挞挞」得个酸字。碗边有好多蕃茄籽,仲有5、6旧蕃茄肉,望落够足料,喺清汤方面先加一分。另一碗麻辣汤係中辣,碗汤一啲都唔浊, 更加係唯一一间喺个「麻」字落过功夫。味道方面佢落料唔重,但胜在落得準,碗麵食完时,你仲见到有啲花椒乾椒游来游去,个嘴同条脷仲会有少少痺,麻辣汤再加一 分。

虽然价钱相若,36蚊碗两餸米线,但配料比较少。腩肉加7蚊,属最高消费行列,不过得5块,牛丸6蚊得3粒细嘅,扎肉亦唔厚……如果你係大食积就一定唔够喉,好在啲料算新鲜。可圈可点嘅係同样加6蚊就拣到3粒鲜虾云吞,云吞有原只虾,咬落爽口弹牙,有返些少诚意。

大汗鸡翼有别于平日食开嘅新疆土匪嗰类,侍应姐姐拎上檯时唔香嘅;鸡翼上面有啲姜黄色嘅粉状物,蘸一蘸,食落第一 啖冇乜特别,又唔觉辣,但有香料味渗出嚟。最顶瘾係过咗冇耐微辣 嘅味道愈来愈出,呢招真係估佢唔到。

乐富米线阵感觉上比其他米线店高档,价钱冇贵到,如果只叫一餸米线,30蚊一定落到楼,但配料份量真係少得好紧要。侍应大部份係阿姐,但口音已经进化晒,唔会讲到「勿演懒肉」。餐厅装修比其他米线店high class得多,有云石墙嗰吓真係呆咗。 无论係食米线定食个气氛,不久嘅将来笔者一定会再嚟食。

【有肋有唔肋】云林米线大比拼
◆ 椰汁红豆冰$12【有肋有唔肋】云林米线大比拼
◆ 大汗鸡翼$28【有肋有唔肋】云林米线大比拼
◆ 貌似係招牌菜,可以一战

【有肋有唔肋】云林米线大比拼

总结
我正式宣布米线阵係今期大比拼嘅冠军!讲装修,大大块云石墙无得输;论侍应质素,其他三间「牡得挽」;讲米线,又赢三哥同谭仔一个身位。米线阵喺配料上蚀咗,但又有几多人会为咗少一粒「勿演」而觉得唔抵食?不过最可惜係米线阵分店少,平日落街想食返碗,反转成个太西洋最后都係死死气去咗谭仔同三哥,真係[sosad]。

【后传】落单秘技篇
我表姨个三表姐个细妹喺某间米线舖做,据内部消息人士透露,为免外界盗取米线界最高机密,各大米线舖发展出一套独立加密语言,一众阿姐入职时经已背到滚瓜烂熟。记住下次落单嗰阵用呢套术语,佢哋就知你係自己友嚟,随时会醒多粒墨丸畀你,落单无往而不利(好似係)。

阿姐术语解码
勿演 > 墨丸 淆肉 > 牛肉
姨蛋 > 鱼蛋 之肉 > 猪肉
淆演 > 牛丸 畜牲 > 竹笙
懒肉 > 腩肉 之忍 > 猪润
街肉 > 鸡肉 冻拎死>冻柠水

相关推荐